Mir sinn e Pfyffer- und Vordrääblergrübbli, wo scho lengeri Zytt haupt-sächlig uss zwai Pfyffer und mindeschtens aim Vordrääbler bestoht.

Mir mache "numme" wild Fasnacht, das haisst mir gehn an Morgestraich, am Mändig ab de Viere Zmiddag go gässle, am Zyschdig ab de Zwai (immer mit unserne beriehmte Junteressli und beglaited vo Kind und Kaigel) und am Mittwuch wider ab der Viere Zmiddag. Normalerwyys simmer bis am Donnschdig am Vieri am Morge unterwäggs (usser unsere Web-Maischter hett e bitz kalt...). Am Bummel gehn mer maischtens ebbis Intressants go aaluege (aber nit usswärts go pfyffe!) und Zoobe in dr Stadt denn wider go gässle.