In dr Junge Garde (syt 1980) und im Dyblinäscht (unser Binggis-Ziigli syt 1993) leere Maitli und Buebe s Fasnachts-Handwäärgg (Pfyffe, Drummle, Baschtle, Gselligkait und Frindschaft) und nadyyrlig die aimoolig Basler Fasnachts-Kultuur. Ab achzää deerfe si in Stamm iiberedrätte.

Au für Binggis wo nonig wysse ob sie wänn en Instrumänt leerne oder eifach wänn d Fasnacht und s'Cliquelääbe gniesse ohni vrpflichtig vomene Instrumänt biete mir d Vortrabssprössling a. Deert macht me ali Aktivitäte unterem Joor mit und isch an dr Fasnacht e Vorträbler.

Kurz vor Fasnacht gits fyr die kurzentschlossene Kinder wo mol wänn in ere Clique d Fasnacht erlääbe d Last Minute Fasnachts Aktion.

Deert chame sich bis am Samschtig vor der Fasnacht aamälde: www.baslerdybli-jungigarde.ch/last-minute-fasnacht/