Wemme im Baaseldytsche Wèrterbuech nòcheluegt, denn isch "e Mischtfingg" iibersetzt "ein unsauberer, illoyaler Mensch" oder gaar "ein Schuft". Daas het is nadyyrlig gaar nid gschmeichlet und sin denne unter "unsauberer Mensch" go luege; "Dräggsagg, Sauniggel, Mischtfingg..." - nid vyyl besser. Spöter simmer uf "Schmùùsli" gstòòsse - tönt zwar uffe erschte Bligg schuurig guet, isch iibersetzt aber "ein Schmierfink, ein männl. unreinliches Kind".

Doch wäär is kènnt dä weiss - e aaständigi Waageglygge mit groossziigige Waggis und an de drey scheenschte Dääg bekannt fir e Kùnschtwärk am Kèrper wo fir Uffsehe sorgd.