Trotz klerikalem Hintergrund, Tonsur, Mönchskutte und unserem mobile Kiirchefänschter halte miir baide mit Kritik an dr Politigg, em Wältgschee, Prominänte und weniger Prominänte nid zrugg. Ab und zue verzelle mer au e Gschichtli vo unserer Nichte oder unserem Neffe. Im Refrain darf au dr sunnscht schwiigsaami Helgebueb unser Stossgebätt us voller Keele zem beschte gää: "Die Unerheerte - Gott sei Dangg, siinge no e Schnitzelbangg!" Miir freye uns uff die nägschti Fasnacht. Nooch dr Fasnacht isch voor dr Fasnacht.