Syt em 2008 mache mir am Cortège mit und syt em 2014 miemr nit emol meh laufe, sondern wärde gfaahre. Mir sin agtuell siebe Agtivi wo vo ungfäähr 100 Passivmitglieder unterstützt wärde.

Will mir no kei eigene Käller hän, wird jewyls am Mentig und Mittwuch nach em Cortège dr Märtplatz zu unserem Dräffpunkt. Deert dien mir uns sälber und unseri Passive verpfläge und uf d Frau Fasnacht ahstoosse.

Übrigens steckt hinter em absichtlich böse Name e Gruppe vo sehr nätte und extrem guet ussehende junge Männer.

Wenn Sie uns agtiv oder passiv möchten unterstütze, deerfe Sie uns gärn über iMail oder facebook kontagtiere.

E Passivmitgliedschaft kostet schlappi 25 Franke, defür isch me härzligg zu beidne Apéros an dr Fasnacht und zume jöörliche Passiveplausch yglade!